Húrmetli, elimiz jasları!

Elimizdiń erteńi, mámleketimizdiń jarqın keleshegi, xalqımızdıń isenimi, jámiyetimizdiń tiykarǵı kúshi – bul Sizlersiz!

Keleshegin oylaǵan hár qanday mámleket birinshi gezekte jas áwlad tárbiyasına, olardıń ónip-ósip, kamalǵa keliwine tiykarǵı itibardı qaratadı.

Mámleketimizde ámelge asırılıp atırǵan barlıq reformalar, jańalanıwlar – bulardıń hámmesi Sizlerdiń ilimli, bilimli, intellektual, ozıq-oylı, fizikalıq hám ruwxıy jaqtan jetik áwlad bolıp jetilisiwińiz ushın islenip atırǵan strategiyalıq háreketler bolıp tabıladı.

Bir ǵana joqarı bilimlendiriw salasında alıp barılıp atırǵan reformalardıń nátiyjesinde búgingi kúnde jaslarımız arasında joqarı oqıw orınlarına qabıllanatuǵın studentler sanı jıl sayın artıp barmaqta.

Olardı hár tárepleme qollap-quwatlaw, óz tarawınıń jetik mamanı bolıp shıǵıwı ushın bilimlendiriwdiń sapasın jańa basqıshqa kóteriw boyınsha unamlı jumıslar jolǵa qoyılmaqta.

Solay eken, usınday sharayatlardan nátiyjeli paydalanǵan halda, ózińiz hám elimizdiń keleshegi ushın úlken intellektual potencial toplap, óz ústińizde tınımsız islep, bilimlerińizdi jetilistirip barsańız – Siz álbette, gózlegen maqsetińizge erisesiz!

Sizlerdi 30-iyun – Jaslar kúni múnásibeti menen qızǵın qutlıqlaymız!

Húrmet penen,

Quvondiq Qodirov,
Ájiniyaz atındaǵı Nókis mámleketlik pedagogikalıq institutı rektorı.