Qaraqalpaqstan Respublikası Joqarǵı Keńesi Prezidiumınıń 2025-jıl 20-iyundaǵı qararına muwapıq, hár tárepleme belsendi hám teńlesleri arasında ayrıqsha jetiskenliklerge erisip, kópshilikke úlgi bolıp atırǵan elimiz jasları qatarında Ájiniyaz atındaǵı Nókis mámleketlik pedagogikalıq institutı muzıkalıq tálim hám kórkem óner qánigeliginiń 1-kurs magistrantı, talantlı baqsı Ótkirbay Azirbaev «Úmit ushqını» kókirek belgisi menen sıylıqlandı.

Kókirek belgisi Qaraqalpaqstan Respublikası Joqarǵı Keńesiniń Baslıǵı Amanbay Orınbaevtıń Nókis rayonı jasları menen bolıp ótken jańasha formattaǵı ushırasıwında saltanatlı túrde tapsırıldı.

Institutımız magistrantı Ótkirbay Azirbaevtı erisken tabısları menen qutlıqlap, aldaǵı ilimiy-dóretiwshilik jumıslarında tabıslar tileymiz!

NMPI baspasóz xızmeti.