Ájiniyaz atındaǵı Nókis mámleketlik pedagogikalıq institutında Ózbekstan Kásiplik awqamları Federaciyası Qaraqalpaqstan Respublikası Keńesi, Qaraqalpaqstan Respublikası Kámbaǵallıqtı qısqartıw hám bántlik ministrligi menen birgelikte Miynet sharayatların bunnan bılay da jaqsılaw, baxıtsız hádiyselerdiń aldın alıw, kásiplik keselliklerdiń profilaktikası boyınsha Mánzilli baǵdarlamada belgilengen wazıypalarǵa arnalǵan ushırasıw bolıp ótti.

Ushırasıwda Ózbekstan Kásiplik awqamları Federaciyası Qaraqalpaqstan Respublikası Keńesi miynetti qorǵaw boyınsha texnikalıq inspektorı B.Utepbergenov, bas qánigesi S.Urazımbetov, Qaraqalpaqstan Respublikası Kámbaǵallıqtı qısqartıw hám bántlik ministrliginiń miynetti qorǵaw boyınsha texnikalıq inspektorı M.Tájetdinov, sonday-aq, instituttıń tiyisli qánigeleri xızmetkerlerge jańa redakciyadaǵı «Miynetti qorǵaw haqqında»ǵı Ózbekstan Respublikası Nızamınıń mazmunı hám áhmiyeti, xızmetkerlerge múnásip miynet sharayatların jaratıw boyınsha belgilengen wazıypalar haqqında keń túrde túsinikler berdi.

NMPI baspasóz xızmeti.