Qaraqalpaqstan Respublikası Joqarǵı Keńesi Prezidiumınıń 2025-jıl 23-iyundaǵı qararına muwapıq, hár tárepleme belsendi hám teńlesleri arasında ayrıqsha jetiskenliklerge erisip, kópshilikke úlgi bolıp atırǵan elimiz jasları qatarında Ájiniyaz atındaǵı Nókis mámleketlik pedagogikalıq institutı jaslar menen islesiw, ruwxıylıq hám aǵartıwshılıq bóliminiń metodisti, bilimli hám qábiletli jaslardıń lideri, úmitli jaslarımızdıń biri Erniyaz Qasımov «Úmit ushqını» kókirek belgisi menen sıylıqlandı.

Kókirek belgisi Qaraqalpaqstan Respublikası Joqarǵı Keńesiniń Baslıǵı Amanbay Orınbaevtıń Taxtakópir rayonı jasları menen bolıp ótken jańasha formattaǵı ushırasıwında saltanatlı túrde tapsırıldı.

Institutımız metodisti Erniyaz Qasımovtı erisken tabısları menen qutlıqlap, jaslar menen islesiw hám olardı joqarı nátiyjelerge qaray baǵdarlawdaǵı aldaǵı jumıslarında tabıslar tileymiz!

NMPI baspasóz xızmeti.