Ájiniyaz atındaǵı Nókis mámleketlik pedagogikalıq institutı Túrkiy tiller fakulteti tárepinen studentlerdiń jazǵı demalıs waqıtların mazmunlı ótkeriw maqsetinde «Áhmiyetli 90 kún» ilajları sheńberinde «Studentler kino kúnleri» ushırasıwı shólkemlestirildi.

Ushırasıwǵa Qaraqalpaqstan Respublikasına miyneti sińgen kórkem óner ǵayratkeri, belgili rejissyor Bawetdin Baymurzaev, Qaraqalpaqstan Respublikasında xızmet kórsetken artist, «Doslıq» ordeniniń iyesi, Berdaq atındaǵı Qaraqalpaq mámleketlik akademiyalıq muzıkalı teatrınıń aktrisası Gúlsara Jumaniyazova, fakultet dekanatı wákilleri, tyutorlar, sonday-aq, qaraqalpaq tili hám ádebiyatı tálim baǵdarınıń studentleri qatnastı.

Ilajda miymanlar qaraqalpaq kino óneriniń tariyxı, búgingi dáwirdegi rawajlanıw basqıshları, kórkem hám hújjetli filmlerdi súwretke alıw processleri haqqında jaslarǵa keń túrde maǵlıwmatlar berdi.

Jaslar kino kórkem óneri hám industriyası menen baylanıslı ózlerin qızıqtırǵan sorawlarǵa juwaplar aldı.

NMPI baspasóz xızmeti.