Xabarıńız bar, usı jıldıń 8-iyul kúninen baslap Ájiniyaz atındaǵı Nókis mámleketlik pedagogikalıq institutında 2025-2026-oqıw jılı ushın qabıllaw procesinde bakalavriattıń ayrıqsha qábilet talap etiletuǵın tálim baǵdarlarında kásiplik (dóretiwshilik) imtixanlar bolıp ótpekte.

Dene mádeniyatı, muzıkalıq tálim, súwretlew óneri hám injenerlik grafikası tálim baǵdarları boyınsha ótkerilip atırǵan imtixanlardıń belgilengen talaplar tiykarında ádil hám ashıq-aydın ótiwi Qaraqalpaqstan Respublikası Joqarǵı Keńesi deputatları, jámiyetlik shólkemler, siyasiy partiyalar, ǵalaba xabar quralları, sonıń menen birge, tiyisli ministrlik hám shólkemlerden biriktirilgen wákiller tárepinen qadaǵalanbaqta.

Deputatlar abiturientlerdiń imtixan tapsırıwı, óz qábiletlerin, tayarlıqların kórsete alıwı, sonday-aq, olardıń ata-anaları ushın jaratılǵan sharayatlar menen tanısıp, shólkemlestiriw jumıslarına joqarı baha berdi.

NMPI baspasóz xızmeti.