Ózbekstan Respublikası Ministrler Kabinetiniń 2025-jıl 10-marttaǵı PQ-149-sanlı qararınıń orınlanıwı boyınsha 2025-jıldıń 14-iyul kúninen baslap instituttıń rásmiy veb-saytı – https://ndpi.uz saytında 2024-2025-oqıw jılı juwmaǵı boyınsha «Tolıq hám tolıq bolmaǵan tálim grantı»na talaban studentler hám magistrantlar ushın «Jámiyetlik iskerlikti anıqlaw» boyınsha eń saylandı 100 kórkem ádebiyattı oqıǵanlıǵın anıqlaw maqsetinde test sınaqları baslanǵanlıǵın xabarlaymız.

Talaban studentler hám magistrantlar institut rásmiy veb-saytındaǵı https://grant.ndpi.uz siltemesi arqalı kirip, belgilengen kórkem ádebiyatlar arasınan tiyisli 12 ádebiyattı saylap, óz bilimlerin sınaqtan ótkeriwi múmkin.

Bunda hár bir saylanǵan kórkem ádebiyat boyınsha 5 sorawdan – ulıwma 60 soraw beriledi. Talaban studentler hám abiturientler usı sorawlarǵa juwap beriw arqalı óz bilimlerin sınaqtan ótkeredi.

Hár bir sorawǵa 1 minuttan, jámi 60 minut waqıt beriledi. Hár bir durıs juwapqa 1/3 ball qoyıladı, maksimal 20 ball beriledi.

Maǵlıwmat ornında atap ótiw kerek, eń saylandı 100 kórkem ádebiyattı qosımsha oqıp tanıspaqshı bolǵan talaban studentler hám magistrantlar ushın institut bas imaratı 2-qabatında jaylasqan málimleme-resurs orayınıń oqıw zalında ádebiyatlar jaylastırılǵanlıǵın málim etemiz.

Qosımsha maǵlıwmatlardı fakultet dekanları hám olardıń orınbasarlarınan alıwıńız múmkin.