Ájiniyaz atındaǵı Nókis mámleketlik pedagogikalıq institutı Túrkiy tiller fakulteti tárepinen «Áhmiyetli 90 kún» ilajları sheńberinde 30-iyul – Dúnya júzilik adam sawdasına qarsı gúresiw kúni múnásibeti menen ushırasıw shólkemlestirildi.

Ilajǵa paytaxtımızdaǵı «Qumbız awıl» hám «Kók ózek» mákan puqaralar jıyınları hayal-qızlar belsendisi M.Urazova, fakultet dekanatı wákilleri, tyutorlar, student-jaslar qatnastı.

Ushırasıwda sózge shıqqanlar dúnya mámleketlerinde tiyisli tártipte profilaktikalıq hám huqıqıy úgit-násiyat jumıslarınıń alıp barılıwına qaramastan hár jılı millionlaǵan adamlar adam sawdasınıń qurbanına aylanıp qalıp atırǵanlıǵı, olar arasında hayal-qızlar, kekse jastaǵılar, hátteki, balalardıń da bar ekenligi kimdi bolsa da oylandıratuǵın jaǵday ekenligi tuwralı atap ótti.

Adam sawdası jábirleniwshisine aylanıp qalmaw ushın huqıqıy bilim hám kónlikpelerdi arttırıwdıń áhmiyeti haqqında turmıslıq mısallar menen maǵlıwmatlar berdi.

NMPI baspasóz xızmeti.