Ájiniyaz atındaǵı Nókis mámleketlik pedagogikalıq institutı málimleme-resurs orayında «Áhmiyetli 90 kún» ilajları sheńberinde student-jaslardıń jazǵı demalıs waqıtların mazmunlı shólkemlestiriw maqsetinde «Bolajaq pedagog» tańlawı ótkerildi.

Tańlawǵa Mektepke shekemgi tálim fakulteti tyutorları basshılıǵındaǵı bir topar studentler qatnastı.

Ilajda málimleme-resurs orayınıń direktorı G.Jiyemuratova sózge shıǵıp, «Áhmiyetli 90 kún» sheńberinde institutta jaslardı kitapqumarlıqqa baǵdarlaw maqsetinde ámelge asırılıp atırǵan jumıslar tuwralı maǵlıwmat berdi.

Bunnan soń kitapxanashı N.Jabbarbergenova qatnasıwshılarǵa «Bolajaq pedagog» tańlawınıń áhmiyeti haqqında aytıp ótip, shártleri menen tanıstırdı.

Tańlawda qatnasıwshılar ózleri oqıǵan kórkem shıǵarma yamasa oqıw ádebiyatlarınıń mazmunın pedagogikalıq hám oratorlıq sheberlikleri menen jetkerip beriwge háreket etti.