Ájiniyaz atındaǵı Nókis mámleketlik pedagogikalıq institutı málimleme-resurs orayında «Áhmiyetli 90 kún» ilajları sheńberinde studentlerdiń jazǵı dem alıs waqtın mazmunlı ótkeriw hám olardı kitapqumarlıqqa baǵdarlaw maqsetinde «Sırt el jazıwshılarınıń kitapları menen tanısıw» atamasındaǵı ushırasıw bolıp ótti.

Oraydıń sırt el málimleme-kitapxana resursları menen islesiw bólimi tárepinen shólkemlestirilgen ilajda bólim baslıǵı R.Amanbaeva Tábiyiy pánler fakultetiniń studentleri hám tyutorlarına dúnya ádebiyatınıń eń belgili shıǵarmaları, olardıń avtorları menen tanıstırdı.

Ushırasıwda studentler menen birgelikte usınday belgili shıǵarmalardı oqıp barıw arqalı jaslardıń dúnyaǵa kózqarasların jetilistiriw, olardı ilimge, bilim alıwǵa baǵdarlawda usı sıyaqlı ilajlardıń áhmiyeti joqarı ekenligi atap ótildi.