NMPIde kózi ázzi abiturientler ushın ótkeriletuǵın imtixanlardıń kestesi tastıyıqlandı

Ájiniyaz atındaǵı Nókis mámleketlik pedagogikalıq institutında 2025-2026-oqıw jılına qabıllaw procesinde kózi ázzi abiturientler ushın ótkeriletuǵın imtixanlardıń kestesi tastıyıqlandı.

Keste tiykarında kózi ázzi abiturientler ushın qánigelik pánlerden imtixan 2025-jıldıń 21-iyul kúni saat 08:30 da, májbúriy pánlerden imtixan sol kúni saat 15:00 de ótkeriliwi belgilendi.

Abiturientler ushın másláhát sabaqları 2025-jıl 19-iyul kúni saat 09:00 hám 14:00 de bolıp ótedi.

Imtixanlar hám másláhát sabaqları Nókis qalası P.Seytov kóshesi nomersiz jayda jaylasqan instituttıń 5-sanlı oqıw imaratında (Pedagogika fakulteti) ótkeriledi.

Tómendegi silteme arqalı kózi ázzi abiturientler ushın qánigelik pánler, májbúriy pánler hám másláhát sabaqlarınıń kestesin PDF formatta júklep alıwıńız múmkin.

NMPI kózi ázzi abiturientler ushın imtixanlar (qánigelik pánler)

NMPI kózi ázzi abiturientler ushın imtixanlar (májbúriy pánler)

NMPI kózi ázzi abiturientler ushın másláhát sabaqları

Maǵlıwmat ornında atap ótiw kerek, abiturientler imtixanǵa pasport (ID-karta) hám abiturientti dizimge alıw betin ózi menen alıp keliwi shárt.

Belgilengen waqıttan keshikken abiturientler imtixanǵa kirgizilmeydi hám kelesi imtixanǵa jiberilmeydi.

NMPI baspasóz xızmeti.