Ájiniyaz atındaǵı Nókis mámleketlik pedagogikalıq institutı Túrkiy tiller fakultetinde «Áhmiyetli 90 kún» ilajları sheńberinde Ózbekstan hám Qaraqalpaqstan Jazıwshılar awqamlarınıń aǵzası, talantlı shayır, institutımızdıń tayanısh doktorantı Allayar Dármenov penen ádebiy ushırasıw bolıp ótti.

Ushırasıwǵa fakultettiń «Mushayra» klubı aǵzaları, poeziyaǵa qızıǵıwshı studentler, sonday-aq, institut dógeregindegi máhállelerdiń jasları qatnastı.

Ilajda shayır óziniń kishkene waqtınan poeziyaǵa bolǵan qızıǵıwshılıǵınıń payda bolıwı, ádebiyat maydanına kirip keliwi, dáslepki jazǵan qosıqları haqqında aytıp ótip, búgingi kúnde qaraqalpaq, ózbek hám tuwısqan xalıqlar, sonıń menen birge, jáhán ádebiyatınıń óz ara baylanısları, jetiskenlikler hám mashqalalar, poeziyada «ustaz-shákirt» dástúrleriniń áhmiyeti tuwralı qatnasıwshılar menen pikir almastı.

NMPI baspasóz xızmeti.