Elimizdegi joqarı oqıw orınları student-jaslarınıń jazǵı demalıs waqıtların mazmunlı ótkeriw, olardı sport, intellektual oyınlar hám kewilashar ilajlarǵa qamtıp alıw maqsetinde Qaraqalpaqstan Respublikası Ministrler Keńesi, Joqarı bilimlendiriw, ilim hám innovaciyalar ministrligi tárepinen Ájiniyaz atındaǵı Nókis mámleketlik pedagogikalıq institutınıń oqıw-dala ámeliyatı ornında «Studentler jazǵı lageri» shólkemlestirildi.

Bul jerde belgilengen reje tiykarında studentlerdiń dem alıwı menen birge, olardıń intellektual potencialın arttırıw, kásiplik kónlikpelerin rawajlandırıw, sport hám mádeniy-aǵartıwshılıq ilajları arqalı jaslardıń jámiyetlik belsendiligin arttırıwǵa ayrıqsha itibar qaratılmaqta.

Bunıń ushın lagerde zárúr bolǵan barlıq sharayatlar jaratıldı. Awqatlanıw, demalıw hám juwınıw orınları, sport maydanshaları, koncert hám tamashalar saxnası, kitapqumar jaslar ushın arnawlı platformalar jaslar xızmetinde.

Lagerde hár bir joqarı oqıw ornı jámááti tárepinen studentler ushın áhmiyetli ushırasıwlar, sheberlik sabaqları, sport jarısları, teatr hám kino kesheleri, hár qıylı dógerekler shólkemlestirilmekte.

Jazǵı lager qatnasıwshıları ushın jaratılǵan sharayatlar, salamat hám kewilli ortalıq, óz ara doslıq qarım-qatnasıqları jaslarımızdıń nurlı keleshegi ushın xızmet eteri sózsiz.

NMPI baspasóz xızmeti.