Xabarıńız bar, «Áhmiyetli 90 kún» sheńberinde elimizdegi joqarı oqıw orınları student-jaslarınıń jazǵı demalıs waqıtların mazmunlı ótkeriw maqsetinde Ájiniyaz atındaǵı Nókis mámleketlik pedagogikalıq institutınıń oqıw-dala ámeliyatı ornında «Studentler jazǵı lageri» shólkemlestirildi.

Búgin, 22-iyul kúni institut jámááti tárepinen studentlerdiń dem alıwı menen birge, olardıń intellektual potencialın arttırıw, kásiplik kónlikpelerin rawajlandırıw maqsetinde sport hám mádeniy-aǵartıwshılıq ilajları ótkerilmekte.

Lagerde dem alıp atırǵan jaslar ushın Ózbekstan Respublikası Milliy gvardiyası Qarakalpaqstan Respublikası boyınsha basqarması menen birgelikte oqjay atıw sportı boyınsha ámeliy kónlikpeler berildi. Sonday-aq, áskeriy qural-jaraqlar hám ásbap-úskeneler kórgizbesi shólkemlestirildi.

NMPI baspasóz xızmeti.