Búgin, 23-iyul kúni Ájiniyaz atındaǵı Nókis mámleketlik pedagogikalıq institutı rektorı Alisher Ubbiev basshılıǵında apparat májilisi bolıp ótti.

Májiliste dáslep aǵımdaǵı máseleler kórip shıǵılıp, tiyisli prorektorlar, bólim baslıqlarınıń maǵlıwmatları tıńlandı.

Bunnan soń rektor instituttı 2030-jılǵa shekem hár tárepleme rawajlandırıw boyınsha islep shıǵılatuǵın strategiya joybarın usındı hám onı ele de jetilistiriw maqsetinde barlıq bólimler, kafedralar hám fakultetlerdiń usınısların úyreniw, bul processke xalıqaralıq ekspertlerdi tartıw máselesin kóterdi.

Atap aytqanda, institutta bilimlendiriw baǵdarlamaların xalıqaralıq akkreditaciyadan ótkeriw, QS, THE sıyaqlı xalıqaralıq abıroylı reyting shólkemleriniń «TOP-1000»lıq dizimine kiriw, inglis tilindegi baǵdarlamalardı jolǵa qoyıw, qospa bilimlendiriw baǵdarlamalarınıń geografiyasın keńeytiw, xalıqaralıq akademiyalıq integraciya, sanlı integraciyanı jetilistiriw, ilimiy dárejelilikti arttırıw, grantlar, stajirovkalar, xalıqaralıq konferenciyalar, sonıń menen birge, ilimiy-innovaciyalıq joybarlardı qollap-quwatlaw, oqıw baǵdarlamaların optimallastırıw, kadrlar potencialın arttırıw, xalıqaralıq birge islesiwshi shólkemler menen baylanıslardı jolǵa qoyıw, shet tillerinde jumıs alıp baratuǵın hám institut haqqında tolıq maǵlıwmatlar jámlengen onlayn platforma islep shıǵıw boyınsha ámelge asırılatuǵın jumıslar keń túrde dodalandı.

Májilis sońında kórsetip ótilgen máseleler boyınsha aldaǵı waqıtlarda birgelikte ámelge asırılatuǵın jumıslar belgilep alındı.

NMPI baspasóz xızmeti.