Ájiniyaz atındaǵı Nókis mámleketlik pedagogikalıq institutınıń oqıw-dala ámeliyatı ornında shólkemlestirilgen «Studentler jazǵı lageri»nde «Áhmiyetli 90 kún» sheńberinde student-jaslar qatnasıwında bir qatar mádeniy-aǵartıwshılıq ilajları shólkemlestirilmekte.

Fizika-matematika fakulteti tárepinen lagerdegi jaslar qatnasıwında «Internet tarmaqlarınan qáwipsiz paydalanamız» atamasındaǵı ushırasıw ótkerildi.

Ushırasıwda Qaraqalpaqstan Respublikası Ishki isler ministrligi Málimleme texnologiyaları tarawındaǵı jınayatlarǵa qarsı gúresiw basqarması xızmetkerleri – kapitan Shuxrat Uzaqbergenov hám leytenant Atabek Xodjaev tárepinen jaslarǵa internet tarmaqlarındaǵı hár qıylı kiberqáwipler, jeke maǵlıwmatlardı qorǵaw, onlayn jumıs barısında qáwipsizlikti támiyinlew boyınsha hár tárepleme maǵlıwmatlar berildi.

Sonday-aq, ilaj dawamında qatnasıwshılar ózlerin qızıqtırǵan sorawlarǵa juwap aldı.

NMPI baspasóz xızmeti.