Ájiniyaz atındaǵı Nókis mámleketlik pedagogikalıq institutınıń oqıw-dala ámeliyatı ornında shólkemlestirilgen «Studentler jazǵı lageri»nde «Áhmiyetli 90 kún» sheńberinde student-jaslar qatnasıwında bir qatar mádeniy-aǵartıwshılıq ilajları hám sport jarısları shólkemlestirilmekte.

Instituttıń Tábiyiy pánler fakulteti jámááti tárepinen lagerde dem alıp atırǵan joqarı oqıw orınları studentleri arasında «Qorshaǵan ortalıqtı qorǵaw hár birimizdiń minnetimiz» atamasındaǵı dógerek sáwbeti hám trening ótkerildi.

Ilajda jaslar búgingi kúnniń aktual ekologiyalıq mashqalaları, klimat ózgeriwi menen baylanıslı tábiyiy apatshılıqlar, olardıń aqıbetleri tuwralı maǵlıwmatlarǵa iye boldı. Sonday-aq, trening dawamında ótkerilgen ámeliy shınıǵıwlar menen iyelegen bilimlerin bekkemledi.

NMPI baspasóz xızmeti.