Ájiniyaz atındaǵı Nókis mámleketlik pedagogikalıq institutınıń oqıw-dala ámeliyatı ornında shólkemlestirilgen «Studentler jazǵı lageri»nde «Áhmiyetli 90 kún» sheńberinde student-jaslar qatnasıwında bir qatar mádeniy-aǵartıwshılıq ilajları hám sport jarısları shólkemlestirilmekte.

Instituttıń Mektepke shekemgi tálim fakulteti jámááti tárepinen jas óspirimler hám jaslar menen islesiwdiń áhmiyetli máseleleri boyınsha studentler menen óz ara pikir almasıw maqsetinde sáwbetlesiw keshesi ótkerildi.

Ilajda qatnasıwshı jaslardıń qızıǵıwshılıqları, aldına qoyǵan maqsetleri haqqında sóz etilip, olardı ámelge asırıw boyınsha ámeliy kónlikpeler hám zárúr másláhátler berildi.

NMPI baspasóz xızmeti.