Ájiniyaz atındaǵı Nókis mámleketlik pedagogikalıq institutınıń oqıw-dala ámeliyatı ornında shólkemlestirilgen «Studentler jazǵı lageri»nde «Áhmiyetli 90 kún» sheńberinde student-jaslar qatnasıwında bir qatar mádeniy-aǵartıwshılıq ilajları hám sport jarısları shólkemlestirilmekte.

Ótkerilgen ilajlarda belsene qatnasqan, jeńimpaz bolǵan hám sıylı orınlardı iyelegen joqarı oqıw orınlarınıń studentleri institut rektoratı tárepinen kórkem ádebiy hám ilimiy-kópshilik baǵdarda jazılǵan kitaplar menen sıylıqlandı.

Bunnan soń studentler ushın janlı hawazda karaoke hám «Jaslar Party» kewilashar keshesi shólkemlestirilip, jaslar kewilli dem aldı.

NMPI baspasóz xızmeti.