30-iyul – Xalıqlar doslıǵı kúni múnásibeti menen Qaraqalpaqstan Respublikası Ministrler Keńesi hám basqa birge islesiwshi shólkemler tárepinen birneshe baǵdarda dóretiwshilik tańlawları shólkemlestirildi.

Áhmiyetlisi, «Eń jaqsı fototoplam» tańlawı juwmaǵı boyınsha Ájiniyaz atındaǵı Nókis mámleketlik pedagogikalıq institutı baspasóz xatkeri Islam Matekov «Pedinstitut – kóp milletli tatıw shańaraq» atamasındaǵı fotosúwretler toplamı ushın sıylı 2-orındı iyeledi.

Sonday-aq, «Eń jaqsı qısqa videorolik» tańlawı nátiyjelerine bola instituttıń shet tili hám ádebiyatı: inglis tili qánigeliginiń 2-kurs magistrantı Nursultan Nurniyazov sıylı 2-orınǵa múnásip dep tabıldı.

Jeńimpazlar hám sıylı orın iyeleri 30-iyul kúni Taxtakópir rayonındaǵı «Qaratereń» ekoturizm kompleksinde ótkerilgen gala-koncert baǵdarlamasında saltanatlı túrde sıylıqlandı.

NMPI baspasóz xızmeti.