Ájiniyaz atındaǵı Nókis mámleketlik pedagogikalıq institutınıń bir topar belsendi student-jasları «Áhmiyetli 90 kún» ilajları sheńberinde Tashkent qalasına saparı dawamında «Jeńis baǵı»nda jaylasqan «Millet pidayıları» monumenti qıyabanında bolıp, ǵárezsizlik jıllarında Watanımız shegaralarınıń qolqatılmaslıǵın támiyinlew, búgingidey tınısh hám paraxat turmısımızdı qorǵaw jolında mártlershe qurban bolǵan áskeriy taraw hám huqıq qorǵaw uyımları xızmetkerleriniń esteligine húrmet kórsetti.

Bul monumentte elimizdiń usınday pidayı perzentleriniń atları altın háripler menen jazılǵan bolıp, jaslarımız usı monumentte atap ótilgen 196 áskeriy taraw hám huqıq qorǵaw uyımları xızmetkerleriniń ómiri, ámelge asırǵan jumısları haqqında maǵlıwmatlarǵa iye boldı.

Olardıń máńgi esteligine húrmet kórsetip, gúlsheńberler qoydı.

NMPI baspasóz xızmeti.