2025-2026-oqıw jılında ekinshi hám onnan keyingi joqarı bilimlendiriw (ekinshi qánigelik) ushın talabanlardı onlayn dizimge alıw Joqarı bilimlendiriw, ilim hám innovaciyalar ministrliginiń Birden-bir bilimlendiriw xızmetleri portalı – my.edu.uz arqalı usı jıldıń 10-avgust kúnine shekem onlayn tárizde ámelge asırıladı.

Bunda talabanlar platformada:

– óziniń pasport maǵlıwmatları, FShJIN maǵlıwmatı haqqındaǵı maǵlıwmatlardı kirgizedi;
– diplom hám onıń qosımshasınıń elektron nusqasın júkleydi;
– jáne oqıw niyetin bildirgen joqarı oqıw ornı hám tálim baǵdarın saylaydı.

Ekinshi hám onnan keyingi joqarı maǵlıwmat boyınsha oqıtıw tólemli kontrakt tiykarında ámelge asırıladı.

Maǵlıwmat ushın, ekinshi hám onnan keyingi joqarı bilimlendiriw boyınsha qabıllaw parametrleri joqarı oqıw ornınıń ilimiy-pedagogikalıq potencialı hám materiallıq-texnikalıq bazasın esapqa alǵan halda joqarı oqıw ornı keńesi tárepinen belgilenedi.

NMPI baspasóz xızmeti.