2025-2026-oqıw jılı ushın mámleketlik joqarı oqıw orınlarınıń magistraturasına qabıllaw boyınsha my.edu.uz elektron sisteması arqalı onlayn dizimnen ótken talabanlardıń arzaları kórip shıǵıldı.

Arzalardı kórip shıǵıw nátiyjesinde kóplegen múrájatlar belgili bir (saylaǵan qánigelik pitkeriwshiniń tálim baǵdarı boyınsha sáykes yamasa túrles emesligi, soralǵan hújjet ornına basqa hújjet júklengen yamasa tolıq júklenbegen, júklengen hújjetlerdiń sapasızlıǵı hám basqa) sebeplerge bola biykar etilgen.

Sonı esapqa alıp, my.edu.uz sistemasınan magistraturaǵa oqıwǵa kiriw ushın arza jibergen hám kemshilikler bolǵanı sebepli arzası biykar etilgen talabanlarǵa 11-12-avgust kúnleri arzalardı qayta dúzetiw imkaniyatı jaratıldı.

Usı múddetten soń dúzetiwge jol qoyılmaydı hám kemshilikler saplastırılmaǵan arzalar kórip shıǵılmaydı.

Áhmiyetli eskertiw, shet tilin biliw dárejesi boyınsha tiyisli milliy yamasa xalıqaralıq sertifikatı talap dárejesinde bolmaǵanlıǵı sebepli biykar etilgen arzalardı dúzetiw usınıs etilmeydi, usınday jaǵdayda qayta dúzetilgen arzalar bolsa kórip shıǵılmaydı.

NMPI baspasóz xızmeti.