Studentlerdiń oqıwın sırt mámleketlerdegi, sonday-aq, Ózbekstandaǵı sırt el hám mámleketlik emes joqarı oqıw orınlarınan Ájiniyaz atındaǵı Nókis mámleketlik pedagogikalıq institutınıń ayrıqsha qábilet talap etiletuǵın baǵdarlarına kóshiriw boyınsha kásiplik (dóretiwshilik) imtixanlar usı jıldıń 12-avgust kúni bolıp ótiwi belgilendi.

Kásiplik (dóretiwshilik) imtixanlardıń kestesin PDF formatta tómendegi silteme arqalı júklep alıwıńız múmkin.

NMPI oqıwdı kóshiriw kásiplik (dóretiwshilik) imtixan keste 2025-2026

Eskertiw:

1) Abiturient imtixanǵa belgilengen waqıttan bir saat aldın keliwi, ózi menen puqaralıq pasportı (yamasa ID-kartası) hám abiturient ruxsatnamasın alıp keliwi shárt.

2) Belgilengen waqıttan keshikken abiturient imtixanǵa kirgizilmeydi hám kelesi imtixanǵa ótkerilmeydi.

3) Dene mádeniyatı tálim baǵdarı boyınsha imtixan tapsıratuǵın abiturientler sport formasında bolıwı shárt.

4) Súwretlew óneri hám injenerlik grafikası tálim baǵdarı boyınsha abiturientler «Reńli súwret» páninen akvarel boyaw hám mayqálemlerin (kistochka) ózleri menen alıp keliwi shárt.

5) Muzıkalıq tálim baǵdarı boyınsha abiturientler «Saz atqarıwshılıǵı» páninen saz ásbapların ózleri menen alıp keliwi shárt.

Kásiplik (dóretiwshilik) imtixanlar nátiyjeleri boyınsha apellyaciyalıq shaǵımlar imtixan nátiyjeleri járiyalanǵannan baslap 24 saat ishinde qabıl etiledi.

Talabanlar imtixanda qatnasıw ushın ruxsatnamanı Bilimdi bahalaw agentliginiń my.uzbmb.uz saytındaǵı jeke kabinetinen alıwı múmkin.

Onda kásiplik (dóretiwshilik) hám test sınaǵı imtixanlarınıń ótkeriliw ornı, sánesi hám waqtı haqqındaǵı maǵlıwmatlar kórsetilgen.

Talabanlar test sınaǵı ótkeriletuǵın imaratqa ruxsatnamada belgilengen waqıttan keshikpesten, pasport (ID-karta) hám ruxsatnama menen keliwi kerek.

Eskertiw: kásiplik (dóretiwshilik) imtixanlarda qatnasqan talabanlar, májbúriy pánlerden (ana tili, matematika, tariyx) ótkeriletuǵın test sınaqlarında da qatnasıwı shárt. Keri jaǵdayda, olardıń kásiplik (dóretiwshilik) imtixanda alǵan balları esapqa alınbaydı.

NMPI baspasóz xızmeti.