Studentlerdiń oqıwın sırt ellerdegi joqarı oqıw orınlarınan, sonday-aq, Ózbekstandaǵı sırt el hám mámleketlik emes joqarı oqıw orınlarınan mámleketlik joqarı oqıw orınlarına kóshiriw boyınsha test sınaqları 18-19-avgust kúnleri bolıp ótedi.

Test sınaqları eki smenada shólkemlestirilip:

1-smenada 08:00 den 11:00 ge shekem;
2-smenada 15:00 den 18:00 ge shekem bolıp ótedi.

Test sınaqları 2 qánigelik hám 3 májbúriy pán boyınsha ótkeriledi jáne talabanlarǵa qánigelik pánlerinen 30 dan, májbúriy pánlerden 10 nan – ulıwma 90 test tapsırması hám olardı sheshiw jáne juwaplar betine kóshiriw ushın 3 saat waqıt beriledi.

Talabanlar test sınaǵında qatnasıw ushın ruxsatnamanı Bilimdi bahalaw agentliginiń my.uzbmb.uz saytınan alıwı múmkin.

Talabanlar test sınaǵı ótkeriletuǵın imaratqa ruxsatnamada belgilengen waqıttan keshikpesten, pasport (ID-karta) hám ruxsatnama menen keliwi kerek.

NMPI baspasóz xızmeti.