Búgin, 14-avgust kúni Ájiniyaz atındaǵı Nókis mámleketlik pedagogikalıq institutında 2025-2026-oqıw jılı ushın texnikumlardı tabıslı tamamlaǵan pitkeriwshilerdi bakalavriat tálim baǵdarlarına oqıwǵa qabıllaw boyınsha sáwbet ótkeriw procesi baslandı.

Tastıyıqlanǵan kestege muwapıq, búgin bakalavriattıń mektepke shekemgi tálim hám dene mádeniyatı tálim baǵdarına sáwbet ótkerilmekte.

Sáwbet procesine instituttıń tájiriybeli professor-oqıtıwshıları menen birgelikte tarawda jemisli miynet etip atırǵan pedagoglar biriktirilip, talabanlardıń tayarlıǵı múnásip bahalanbaqta.

Sonday-aq, processtiń ádil túrde, ashıq-aydın ótiwi instituttıń korrupciyaǵa qarsı gúresiw «Komplaens-qadaǵalaw» sistemasın basqarıw bólimi juwapkerleri tárepinen qadaǵalawǵa alınǵan.

Esletip ótemiz, institutta texnikumlardı tabıslı tamamlaǵan pitkeriwshilerdi bakalavriat tálim baǵdarlarına oqıwǵa qabıllaw boyınsha sáwbet usı jıldıń 15-avgust kúnine shekem dawam etedi.

NMPI baspasóz xızmeti.