Ájiniyaz atındaǵı Nókis mámleketlik pedagogikalıq institutında «Áhmiyetli 90 kún» sheńberinde mektepler hám máhálleler menen birgelikte bir qatar mádeniy-aǵartıwshılıq ilajları shólkemlestirilmekte.

Atap aytqanda, instituttıń Túrkiy tiller fakulteti jámááti hám studentleri tárepinen paytaxtımız Nókis qalasındaǵı 18-sanlı ulıwma bilim beriw mektebiniń oqıwshıları, sonday-aq, institut dógeregindegi máhállelerdiń balaları ushın Ájiniyaz muzeyine sayaxat shólkemlestirildi.

Ilaj qatnasıwshıları institutta qaraqalpaq ádebiyatınıń kórnekli wákili Ájiniyaz Qosıbay ulınıń 200 jıllıǵı qarsańında ashılǵan muzeydegi eksponatlar menen tanısıp, úlken tásirler aldı.

NMPI baspasóz xızmeti.