Joqarı oqıw orınlarınıń bakalavriat tálim baǵdarlarına kiriw test sınaqları nátiyjesinen narazı bolǵan abiturientler apellyaciyalıq arzaların my.uzbmb.uz saytınan (jeke kabineti arqalı) onlayn tárizde 15-avgusttan 24-avgustqa shekem (10 kún dawamında) jiberiwi múmkin.

Abiturient apellyaciyalıq shaǵım jiberiwi ushın test sınaǵında qatnasqan hám test sınaǵınan shetletilmegen bolıwı shárt.

Apellyaciyalıq arzanı jibergen abiturientke onı kórip shıǵıw sánesi hám waqtı kórsetilgen xabarlandırıw beriledi.

Abiturient xabarlandırıwda belgilengen waqıtta shaxsın tastıyıqlaytuǵın hújjet hám xabarlandırıw menen Bilimdi bahalaw agentligine (yamasa xabarlandırıwda belgilengen orınǵa) barıwı kerek.

Apellyaciyalıq arzalardı kórip shıǵıw 2025-jıl 21-avgusttan baslanadı.

NMPI baspasóz xızmeti.