«Jańa Ózbekstan» baǵında jaslarımız tariyxıy jetiskenlikke eristi. 1946 qábiletli jas injener bir waqıttıń ózinde 1946 dana kishi robottı jıynap, úlken nátiyjege eristi. Bul jetiskenlik Ózbekstannıń atın jáne bir márte «Ginnes rekordlar kitabı» betlerine jazdırıwǵa sebepshi boldı.

Bul process jaslardıń ilimiy-texnikalıq potencialın kórsetiw menen menen birge, olardıń izleniwsheńligi, jámáátlik awızbirshiligi hám jańalıq jaratıwǵa bolǵan umtılısın da kórsetip bere aldı. Rekord ornatıw ilajı úlken bayramǵa aylanıp ketti hám Ózbekstan jasları ushın texnologiya jáne innovaciyalar tarawında jańa baslamalarǵa jol ashtı.

Áhmiyetlisi, bul tariyxıy waqıyada Ájiniyaz atındaǵı Nókis mámleketlik pedagogikalıq institutınıń 16 studenti de qatnasıp, rekord ornatıwǵa óz úlesin qostı.