Xabarıńız bar, házirgi waqıtta Ájiniyaz atındaǵı Nókis mámleketlik pedagogikalıq institutında studentlerdi turaq jaylar hám ijara úyleri menen támiyinlew baǵdarında nátiyjeli jumıslar ámelge asırılmaqta.

Institut baspasóz xızmeti tárepinen shólkemlestirilgen gezektegi media-tur dawamında ǵalaba xabar quralları wákilleri usı jumıslardıń barısı menen tanıstı.

Dáslep qatnasıwshılar studentlerdi turaq jaylar hám ijara úyleri menen támiyinlew maqsetinde jumıs alıp barıp atırǵan maǵlıwmatlar orayınıń jumıs procesi menen tanıstı.

Bunnan soń studentler turaq jaylarında jańa oqıw jılına tayarlıq jumısları, jaratılǵan sharayatlardı kózden ótkerdi.

Ilaj dawamında ǵalaba xabar quralları wákilleri mámleketlik-jeke menshik sheriklik tiykarında qurılıs jumısları dawam etip atırǵan smetalıq-joybarlıq bahası 31,5 milliard sum bolǵan 500 orınǵa mólsherlengen 6 qabattan ibarat jańa studentler turaq jayınıń qurılıs jumısları menen de tanıstı.

NMPI baspasóz xızmeti.