Xabarıńız bar, mámleketimiz Ǵárezsizliginiń 34 jıllıq bayramına tayarlıq kóriw, qorshaǵan ortalıqtı qorǵaw hám salamat turmıs tárizin úgit-násiyatlaw maqsetinde usı jıldıń 22-23-avgust kúnleri elimiz boylap «Abat hám payızlı máhálle – jurt kórki» súreni tiykarında ulıwma xalıqlıq qayırqomlıq shembiligi ótkeriliwi belgilengen edi.

Ájiniyaz atındaǵı Nókis mámleketlik pedagogikalıq institutı jámááti usı iygilikli baslamanı qollap-quwatlap, búgin, 22-avgust kúni erte tańnan baslap institut hám onıń dógereginde abadanlastırıw, kógallandırıw, jabayı shópler hám shıǵındılardan tazalaw, sonıń menen birge, oqıw auditoriyaları, laboratoriyalardı jańa oqıw jılına tayarlaw jumısların alıp barmaqta.

Bunday ámeliy jumıslar qorshaǵan ortalıqtı abat etiw menen birge jámáátte awızbirshilik, tatıwlıq hám miyrim-shápáátti bekkemlewge xızmet etedi.

Institut jámáátiniń ulıwma xalıqlıq ilajdaǵı belsendiligi abadan turmısımız jolındaǵı háreketleriniń ámeliy kórinisi bolıp tabıladı.

NMPI baspasóz xızmeti.