Usı jıldıń 22-24-avgust kúnleri aralıǵında Ájiniyaz atındaǵı Nókis mámleketlik pedagogikalıq institutınıń bir topar pedagog hám qánige xızmetkerleri, sonday-aq, student-jasları ushın «Áhmiyetli 90 kún» ilajları sheńberinde Buxara qalasına sayaxat shólkemlestirildi.

Institut kásiplik awqamı komiteti hám rektoratı arasında dúzilgen jámáátlik shártnama bántleriniń orınlanıwın támiyinlew maqsetinde ótkerilgen sayaxat dawamında qatnasıwshılar qalanıń tariyxıy-arxitekturalıq estelikleri jáne ziyarat orınlarında bolıp, úlken tásirler alıp qayttı.