Ájiniyaz atındaǵı Nókis mámleketlik pedagogikalıq institutında Ózbekstan kásiplik awqamları Federaciyasınıń Qaraqalpaqstan Respublikası Keńesi tárepinen mámleketimiz Ǵárezsizliginiń 34 jıllıǵı hám Ózbekstan kásiplik awqamları háreketiniń 120 jıllıǵı múnásibeti menen «Zakovat» intellektual oyını boyınsha jarıs shólkemlestirildi.

Jarısta kásiplik awqamları tarawında jumıs islep atırǵan jaslar óz ara komandalarǵa bólingen halda ózleriniń bilimleri, logikalıq oylaw imkaniyatları hám tapqırlılıǵın sınaqtan ótkerdi.

Intellektual oyın juwmaǵında jeńimpazlar hám sıylı orın iyeleri anıqlanıp, shólkemlestiriwshiler tárepinen diplom jáne estelik sawǵaları menen sıylıqlandı.

Atap ótiw orınlı, bilimlendiriw hám ilim xızmetkerleri komandası quramında institutımızdıń jas qánigeleri jarısta sıylı 3-orındı iyeledi.

NMPI baspasóz xızmeti.