Ájiniyaz atındaǵı Nókis mámleketlik pedagogikalıq institutında studentlerdi turaq jay menen támiyinlew jumıslarına ayrıqsha dıqqat qaratılǵan bolıp, búgingi kúnde ulıwma 2393 orınlıq studentler turaq jayları jumıs alıp barmaqta.

Házirgi waqıtta studentlerdiń turaq jayǵa bolǵan zárúrliginen kelip shıǵıp, «HAYAT GROUP» juwapkershiligi sheklengen jámiyeti menen birgelikte mámleketlik-jeke menshik sheriklik tiykarında smetalıq-joybarlıq bahası 31,5 milliard sum bolǵan 500 orınǵa mólsherlengen 6 qabattan ibarat jańa studentler turaq jayınıń qurılıs jumısları alıp barılmaqta.

Jaslar tálim-tárbiyasın shólkemlestiriwde olardıń sociallıq-turmıslıq sharayatların jaqsılawdıń áhmiyeti oǵada úlken. Studentlerdiń turaq jay menen támiyinleniwi – olardıń tınısh hám qáwipsiz ortalıqta jasawı, turaqlı oqıwı hám bos waqtın mazmunlı ótkeriwine tiykar jaratadı.

NMPI baspasóz xızmeti.