Búgin, 3-sentyabr kúni Ájiniyaz atındaǵı Nókis mámleketlik pedagogikalıq institutı akademiyalıq liceyinde 2025-2026-oqıw jılınıń saltanatlı ashılıw máresimi bolıp ótti.

Ilajda licey direktorı Q.Qalxorazov, instituttıń oqıw-metodikalıq basqarmasınıń bas qánigesi J.Jumamuratov, «Shuhrat» medalınıń iyesi P.Kamalova, xalıq deputatları Nókis qalalıq Keńesiniń deputatı B.Dilanovlar sózge shıǵıp, oqıwshı jaslar, olardıń ata-anaları hám licey jámáátin Ózbekstan Respublikası ǵárezsizliginiń 34 jıllıǵı hám jańa oqıw jılınıń baslanıwı menen qutlıqladı.

Oqıw jılınıń dáslepki kúni toparlarda «Watan ushın, millet ushın, xalıq ushın!» súreni tiykarında «Ǵárezsizlik sabaqları» menen baslandı.

Liceydiń májilisler zalında licey direktorı Q.Qalxorazov, ishki isler uyımları inspektorı Z.Táńirbergenov, licey direktorınıń orınbasarı G.Masharipova hám tariyx páni oqıtıwshısı M.Mamutovlar oqıwshılarǵa elimizde jaslar tálim-tárbiyası baǵdarında ámelge asırılıp atırǵan keń kólemli reformalar, Prezidentimizdiń bilimlendiriw tarawına qaratıp atırǵan itibarı haqqında keń túrde maǵlıwmatlar berdi.