Aldın xabar bergenimizdey, búgin, 4-sentyabr kúni elimiz boylap jaslardıń bos waqıtların mazmunlı shólkemlestiriw hám olardıń mádeniyat, kórkem óner, sport, kitapqumarlıq, málimleme texnologiyaları, intellektual oyınlar hám kásip-óner tarawlarındaǵı qábiletlerin arttırıw maqsetinde «Bes baslama olimpiadası» jaslar festivalı ótkerilmekte.

Festival sheńberinde Ájiniyaz atındaǵı Nókis mámleketlik pedagogikalıq institutı málimleme-resurs orayında Túrkiy tiller, Baslawısh tálim hám Mektepke shekemgi tálim fakultetleri tárepinen «Ziyrek kitapqumar» tańlawı shólkemlestirildi.

Tańlawda studentler ózleri oqıǵan ádebiy shıǵarmalar haqqında maǵlıwmatlar berdi.

Institutta festival sheńberindegi ilajlar dawam etpekte.

NMPI baspasóz xızmeti.