Aldın xabar bergenimizdey, búgin, 4-sentyabr kúni elimiz boylap jaslardıń bos waqıtların mazmunlı shólkemlestiriw hám olardıń mádeniyat, kórkem óner, sport, kitapqumarlıq, málimleme texnologiyaları, intellektual oyınlar hám kásip-óner tarawlarındaǵı qábiletlerin arttırıw maqsetinde «Bes baslama olimpiadası» jaslar festivalı ótkerilmekte.

Festival sheńberinde Ájiniyaz atındaǵı Nókis mámleketlik pedagogikalıq institutında Fizika-matematika, Shet tilleri hám Tábiyiy pánler fakultetleri tárepinen «Keleshekke qádem» joybarı boyınsha seminar-trening shólkemlestirildi.

Seminarda fakultetlerdiń juwapker qánigeleri tárepinen student-jaslarǵa joybardıń mazmunı hám áhmiyeti haqqında maǵlıwmatlar berildi.

Institutta festival sheńberindegi ilajlar dawam etpekte.

NMPI baspasóz xızmeti.