Paytaxtımız Nókis qalasındaǵı Jaslar orayında Ózbekstan jaslar isleri agentligi Qaraqalpaqstan Respublikası basqarması hám Ózbekstan jaslar awqamı Qaraqalpaqstan Respublikası Keńesi tárepinen «Bes baslama olimpiadası» jaslar festivalı sheńberinde respublikamızdaǵı barlıq joqarı oqıw orınlarınıń studentleri arasında «Debat» intellektual oyını shólkemlestirildi.

Oǵada qızǵın pikir-talaslarǵa bay bolǵan intellektual oyında Ájiniyaz atındaǵı Nókis mámleketlik pedagogikalıq institutınıń bilimli, ziyrek hám qábiletli studentlerinen dúzilgen «Sahra búlbilleri» komandası qarsılaslarına hesh qanday imkaniyat qaldırmastan, 1-orındı iyeledi.

Jeńimpazlar hám sıylı orın iyeleri shólkemlestiriwshiler tárepinen diplom jáne estelik sawǵaları menen sıylıqlandı.

NMPI baspasóz xızmeti.