Búgin, 8-sentyabr kúninen respublikamızdaǵı barlıq joqarı oqıw orınları qatarında Ájiniyaz atındaǵı Nókis mámleketlik pedagogikalıq institutında ekinshi hám onnan joqarı kurs studentleri ushın oqıw procesi baslandı.

Studentler óz tálim baǵdarları boyınsha ámeliy hám teoriyalıq bilimlerdi ele de tereń ózlestiriw, ilimiy-izertlew jumıslarında belsene qatnasıw hám kásiplik sheberliklerin arttırıw baǵdarında oqıwın dawam ettirmekte.

Institut professor-oqıtıwshıları tárepinen studentlerge zamanagóy pedagogikalıq metodlar tiykarında oqıw shınıǵıwları alıp barılmaqta.

Jańa oqıw jılında joqarı kurs studentleri de úlken tabıslarǵa hám nátiyjelerge erisiwine tileklespiz!

NMPI baspasóz xızmeti.