Tashkent qalasındaǵı Jaslar dóretiwshilik sarayında respublikamızdıń barlıq joqarı oqıw orınlarınıń jaslar jetekshileri, fakultet hám baǵdar koordinatorları jáne belsendi studentlerden ibarat 700 den aslam jaslar qatnasıwında «Basshı hám jaslar» ushırasıwı bolıp ótti.

Ushırasıw dawamında Ózbekstan jaslar awqamı Oraylıq Keńesiniń baslıǵı Xayrulla Sattarov penen Joqarı bilimlendiriw, ilim hám innovaciyalar ministriniń orınbasarı Otabek Mahkamov jaslardıń pikir-usınısların tıńladı.

Ilaj dawamında jańa oqıw jılında bilimlendiriwdiń sapasın arttırıw, studentlerdi qollap-quwatlaw hám baslanǵısh shólkemlerdiń jumısın bunnan bılay da nátiyjeli shólkemlestiriwge qaratılǵan tiykarǵı maqset hám rejeler belgilep alındı.

Bul ushırasıwǵa Ózbekstan jaslar awqamı Qaraqalpaqstan Respublikası Keńesi jámááti hám joqarı oqıw orınları baslanǵısh shólkemleriniń jetekshileri, «Qalqan» jámiyetlik toparı aǵzaları Ájiniyaz atındaǵı Nókis mámleketlik pedagogikalıq institutındaǵı studiya arqalı onlayn tárizde qatnastı.