Ájiniyaz atındaǵı Nókis mámleketlik pedagogikalıq institutı Anıq pánler fakultetinde student-jaslardı kiberortalıqta júz berip atırǵan jańalıqlardan xabardar etiw, olardı hár qıylı kiberqáwiplerden qorǵaw hám kiberjınayatlardıń aldın alıw maqsetinde úgit-násiyat ushırasıwı bolıp ótti.

«Kiberjınayatlarǵa qanshelli tayarmız?» atamasında ótkerilgen ushırasıwǵa fakultet dekanınıń jaslar menen islesiw boyınsha orınbasarı Xalmurat Esemuratov, Qaraqalpaqstan Respublikası Ishki isler ministrligi málimleme texnologiyaları tarawındaǵı jınayatlarǵa qarsı gúresiw basqarmasınıń xızmetkeri, kapitan Shuhrat Uzaqbergenov, tyutorlar hám studentler qatnastı.

Ilajda sózge shıqqanlar studentlerge internet hám sociallıq tarmaqlar arqalı ámelge asırılıp atırǵan kiberjınayatlardıń túrleri, olardıń jámiyet hám adamlardıń turmısına unamsız tásirleri haqqında tolıq maǵlıwmat berdi. Sonday-aq, qatnasıwshılar kiberqáwipsizlik qaǵıydaları, jeke maǵlıwmatlardı qorǵaw jolları hám hár qıylı aldawlardan qorǵanıw ilajları tuwralı túsiniklerge iye boldı.

Ushırasıwda studentler ózlerin qızıqtırǵan sorawlarǵa juwap aldı.

NMPI baspasóz xızmeti.