Ájiniyaz atındaǵı Nókis mámleketlik pedagogikalıq institutı psixologları Gúljamal Tóreniyazova hám Elmira Gúlimbetova tárepinen fakultetler kesiminde bıyılǵı oqıw jılında 1-kursqa studentlikke usınıs etilgen jaslar qatnasıwında seminar-treningler shólkemlestirilmekte.

Atap aytqanda, Filologiya fakultetinde bolıp ótken usınday ilajda studentlerdiń jańa ortalıqqa iykemlesiwi, psixologiyalıq kónlikpelerin úyreniw, olardıń jeke rawajlanıwı máseleleri sóz etilip, jaslarǵa zárúr psixologiyalıq kónlikpeler berildi.

Sonday-aq, Anıq pánler fakultetinde ótkerilgen seminar-trening dawamında studentler institut psixologlarınıń alıp baratuǵın jumısları, olarǵa múrájat etiw, psixologiyalıq másláhát hám járdem alıw múmkinshilikleri haqqında maǵlıwmatlarǵa iye boldı.

Treninglerde studentler óz ara sáwbetlesiw, jámáát penen islesiw, stressti basqarıw hám motivaciyanı arttırıwǵa baǵdarlanǵan bilim hám kónlikpelerin bekkemledi.