Usı jıldıń 24-sentyabr kúni Ájiniyaz atındaǵı Nókis mámleketlik pedagogikalıq institutında ilimiy hám innovaciyalıq ideyalar, joybarlar, sonday-aq, baslamaları bolǵan (prototipleri islep shıǵılǵan, joybar prezentaciyası qáliplestirilgen) 30 jasqa shekemgi jaslar arasında «TechnoWays» texnologiyalıq rawajlanıw marafonınıń institut basqıshı bolıp ótedi.

Marafon qatnasıwshılarına qoyılatuǵın talaplar:

– marafonda qatnasıw ushın ilimiy hám innovaciyalıq ideya prototipi, ónimi, prezentaciyasına iye bolıwı kerek;

– bir qatnasıwshı bir joybar menen qatnasıwı;

– marafonda komanda bolıp qatnasıw múmkin emes.

Marafon qatnasıwshılarınıń joybarları 2 túrli kategoriyada bolıwı zárúr:

– Baǵdarlamalıq támiynat;

– Texnologiyalıq sheshim.

Marafonda qatnasatuǵın joybarlar tómendegi kriteriyalar tiykarında bahalanadı:

– Joybardıń ilimiy hám innovaciyalıq jańalıǵı – 10 ballǵa shekem;

– Joybar prototipiniń engiziwge tayarlıq dárejesi – 10 ballǵa shekem;

– Ámeldegi analoglarınan abzallıǵı – 10 ballǵa shekem;

– Joybardı ámelge asırıwdan kútilip atırǵan nátiyjeler – 10 ballǵa shekem;

– Joybar prezentaciyasınıń puqtalıǵı – 10 ballǵa shekem.

Marafon juwmaqlarına muwapıq komissiya aǵzaları tárepinen bahalar ulıwmalastırılǵan halda eń joqarı nátiyjege iye bolǵan 1-, 2-, 3-orınlardı iyelegen qatnasıwshılar materiallıq jaqtan xoshametlenedi hám respublikalıq basqıshqa jollama beriledi.

Dizimnen ótiw ushın: @Aydos_Orazbaev

Qosımsha maǵlıwmatlardı instituttıń ziyrek studentlerdiń ilimiy-izertlew jumısların shólkemlestiriw bóliminen alıwıńız múmkin.

Maǵlıwmat ushın telefon: +998906533178

NMPI baspasóz xızmeti.