Búgin, 17-sentyabr kúni Ájiniyaz atındaǵı Nókis mámleketlik pedagogikalıq institutında «Studentler qáwipsizligi aylıǵı» sheńberinde jaslar arasında internetten durıs paydalanıw mádeniyatın qáliplestiriw hám kiberjınayatlardıń aldın alıw maqsetinde «Kiberjınayatshılıqtıń erte aldın alıw hám oǵan qarsı gúresiw» atamasındaǵı ushırasıw bolıp ótti.

Ushırasıwǵa Qaraqalpaqstan Respublikası Ishki isler ministrligi málimleme texnologiyaları tarawındaǵı jınayatlarǵa qarsı gúresiw basqarmasınıń qánigeleri Sh.Uzaqbergenov, A.Xodjaev, instituttıń korrupciyaǵa qarsı gúresiw «Komplaens qadaǵalaw» sistemasın basqarıw bólimi bas qánigesi G.Dálibaeva, Mektepke shekemgi hám baslawısh tálim fakulteti dekanatı wákilleri, tyutorlar hám studentler qatnastı.

Ilajda instituttıń jaslar menen islesiw, ruwxıylıq hám aǵartıwshılıq bóliminiń baslıǵı A.Bazarbaev hám miymanlar sózge shıǵıp, kiberjınayat túsinigi hám onıń túrleri, jaslar arasında keń tarqalıp atırǵan kiberqáwipler jáne olardıń aqıbetleri haqqında tolıq maǵlıwmat berdi. Sonday-aq, studentlerge sociallıq tarmaqlardan paydalanıwda jeke maǵlıwmatlardı qorǵaw, jalǵan xabar hám aldawshılardan abaylı bolıw boyınsha usınıslar berildi.

Qatnasıwshılar ózlerin qızıqtırǵan sorawlarǵa qánigelerden tolıq juwap aldı.

NMPI baspasóz xızmeti.