Ájiniyaz atındaǵı Nókis mámleketlik pedagogikalıq institutında studentlerdiń bilim alıwı hám jasawı ushın jaratılǵan sharayatlardı bunnan bılay da jaqsılaw, olardıń mashqalaların úyreniw hám pikir-usınısların tıńlaw maqsetinde Filologiya fakultetiniń dekanı Gúlbahar Begmuratova 3-sanlı studentler turaq jayına bardı.

Ushırasıw dawamında studentlerdiń oqıw procesi, bos waqıtların mazmunlı shólkemlestiriw, sport hám mádeniy ilajlarǵa turaqlı qatnasın támiyinlew máseleleri dodalandı. Sonday-aq, jataqxanadaǵı sharayatlar, studentlerdiń turmıs tárizi, olardıń óz ara doslıq qatnasıqları boyınsha pikir almasıldı.

Studentler ózlerin qızıqtırǵan sorawlar menen múrájat etip, áhmiyetli máseleler boyınsha pikir hám usınısların bildirdi. Fakultet dekanı olardıń hár birine ayrıqsha dıqqat awdarıp, máselelerdi sheshiwde ámeliy járdem beriliwin atap ótti.

Bunday ushırasıwlar studentler menen tikkeley pikirlesiw, olardıń mashqalalarına sheshim tabıw, nátiyjeli bilim alıw hám jasaw sharayatların jaqsılawǵa xızmet etedi.

NMPI baspasóz xızmeti.