Ájiniyaz atındaǵı Nókis mámleketlik pedagogikalıq institutı hayal-qızlar másláhát keńesi hám pedagog-tárbiyashılar baslaması menen 1-sanlı studentler turaq jayında jasaytuǵın student-qızlar arasında «Zakovat» intellektual oyını shólkemlestirildi.

Ilajda institut rektorınıń hayal-qızlar máseleleri boyınsha másláhátshisi Sayyora Bekchanova studentlerdi jıl dawamında oqıw hám jámiyetlik jumıslarǵa belsene qatnasıp, óz bilim jáne qábiletlerin arttırıp barıwǵa shaqırdı.

Student-qızlardıń sabaqtan bos waqtın mazmunlı ótkeriw, olar arasında kitapqumarlıqtı úgit-násiyatlaw hám bilimli jaslardı qollap-quwatlaw maqsetinde ótkerilgen oyında qatnasıwshılar hár tarawdan dúzilgen qızıqlı jáne logikalıq sorawlarǵa juwap beriwge háreket etti.

NMPI baspasóz xızmeti.