Ájiniyaz atındaǵı Nókis mámleketlik pedagogikalıq institutı Filologiya fakultetinde student-jaslardıń baslamaların qollap-quwatlaw, olardıń pikir-usınısların tıńlaw hám áhmiyetli máselelerdi birgelikte dodalaw maqsetinde «Dekan hám student-jaslar» ushırasıwı shólkemlestirildi.

Ushırasıwda fakultet dekanı Gúlbahar Begmuratova studentler ushın jaratılǵan sharayatlar, oqıw procesiniń nátiyjeliligin arttırıw, bos waqıtların mazmunlı ótkeriw hám olardı hár qıylı dógerekler jáne ilimiy joybarlarǵa tartıw máseleleri boyınsha prezentaciya isledi.

Ilaj dawamında student-jaslar ózlerin qızıqtırǵan sorawlarına juwaplar aldı.

Sonday-aq, ushırasıwda studentlerdiń kitapqumarlıq mádeniyatın arttırıw, milliy hám ulıwma insanıylıq qádiriyatlarǵa sadıq bolıp jetisiwi, óz kásiplik bilim hám kónlikpelerin turaqlı rawajlandırıp barıwı zárúrligi atap ótildi.

NMPI baspasóz xızmeti.