Ájiniyaz atındaǵı Nókis mámleketlik pedagogikalıq institutı Mektepke shekemgi hám baslawısh tálim fakultetinde bıyılǵı oqıw jılında 1-kursqa qabıl etilgen studentler qatnasıwında «Dekan hám student-jaslar» ushırasıwı bolıp ótti.

Ushırasıwda fakultet dekanı Muhabbat Allambergenova, sonıń menen birge, kafedra baslıqları, professor-oqıtıwshılar institutta studetlerdiń oqıwı, óz qábiletlerin rawajlandırıwı ushın jaratılǵan sharayatlar haqqında maǵlıwmat berdi.

Sonday-aq, studentlerdiń usınısları hám sorawlarına juwap berip, olarǵa kásiplik potencialın arttırıw, ilimiy jumıslarǵa belsene qatnasıw hám bos waqtın mazmunlı ótkeriw boyınsha óz másláhátlerin berdi.