Ájiniyaz atındaǵı Nókis mámleketlik pedagogikalıq institutında milliy kiyimler aylıǵı hám «Juma – milliy kiyimler kúni» múnásibeti menen hayal-qızlar másláhát keńesi tárepinen úgit-násiyat ilajı shólkemlestirildi.

Ilajda institut rektorınıń hayal-qızlar máseleleri boyınsha másláhátshisi Sayyora Bekchanova 1-sanlı studentler turaq jayı pedagog-tárbiyashısı Muhabbat Abdimuratova menen birgelikte student-qızlarǵa Ájiniyaz muzeyi hám ondaǵı eksponatlardı tanıstırdı.

Bul jerde jaslar qaraqalpaq ádebiyatınıń kórnekli wákili Ájiniyaz Qosıbay ulınıń ómiri hám dóretiwshiligi menen bir qatarda, shayır jasaǵan dáwirdegi milliy kiyimler, tutınıw buyımları, sonday-aq, qoljazbalar hám kitaplar tuwralı bahalı maǵlıwmatlarǵa iye boldı.

NMPI baspasóz xızmeti.