Ájiniyaz atındaǵı Nókis mámleketlik pedagogikalıq institutı Ellikqala fakultetinde studentlerdiń oqıw procesindegi qolǵa kirgizip atırǵan tabısları, sonday-aq, mashqalaların dodalaw, olardıń usınısları hám baslamaların tıńlaw maqsetinde «Dekan hám student-jaslar» ushırasıwı bolıp ótti.

Ushırasıwda fakultet dekanı Ergash Asamaddinov institut hám fakultette studentlerdiń oqıwı, qábiletlerin júzege shıǵarıwı, bos waqıtların mazmunlı ótkeriwi ushın jaratılǵan sharayatlar haqqında maǵlıwmat berdi.

Ilaj dawamında dekan studentlerdi ilimiy-izertlew hám jámiyetlik jumıslarǵa belsene qatnasıwǵa, kitapqumarlıqqa shaqırdı.

Studentler ózlerin qızıqtırǵan sorawların berdi, oqıw procesinde dus kelip atırǵan ayırım qıyınshılıqlar hám aldaǵı rejelerin bildirdi.

Sonday-aq, ushırasıwda jaslardıń bos waqtın mazmunlı shólkemlestiriw, hár qıylı dógerekler hám mádeniy-aǵartıwshılıq ilajlarında belsene qatnasıw boyınsha pikir almasıldı. Ilaj ashıq sáwbetlesiw tárizinde dawam etti.